శాంతి వనాలు

శాంతి వనాలు
----------
జవాబు లేని పశ్న కదా
జీవితం

స్వజనం పరజనం
అంతా ఒక కల్పన
నీకు నువ్వు కూడా కాదు

ధ్యానం
ఒక సంసిద్ధత

అయిపోయిందనుకునే
ప్రతిసారీ
మళ్ళీ మొదలవుతూనే వుంది

ఏం తేలుసుకున్నాం
జీవితసారం
అలల్లా ఎగిసేగిసి పడుతున్నాం

మబ్బులు ముసిరాయి
విడిపోతాయి
సిద్దంగా ఉండాలి

నలుగురికీ చేప్పేది
నైపుణ్యమే
ఆత్మ సంగతో మరి

ఈ కాసినీ అక్షరాలను
 దోసిట్లోకి వొంపి
మౌనంగా వేళ్లిపోయాడాయన

ఈ అర్ధరాత్రి
కోడి కూతే
తోడు నాకు

సాగి పోయినా కాలం కాదు
అడుగుజాడలేమైనా
మిగిలున్నాయా

మనిషే సృష్టించుకున్నాడు
మనిషినే
మింగేస్తున్నాయి