నాన్నను చూశాక

నాన్నను చూశాక
గ్రీష్మం యధాలాపంగా
తాపాన్ని ప్రకటించింది
ఎండలు వెన్నెల నీడల్ని వెదజల్లుతున్నాయి
నేత్రాలు సైతం అగ్ని గోళాలుగా మారుతున్నాయి
అరికాళ్ళు పగుళ్ళిచ్చి
కత్తి అంచు మీద విన్యాసాలు పోతోంది
నాలుక అంగిట్ళోకి పిడచకట్టూకపోతుంది
చుట్టూతా ఎటు చూసినా నేలను ఎడారి ఆవరించుకుంటోంది
ఎటునుంచొచ్చే గాలైనా వడగాడ్పులే వీస్తోంది
నేలపైననే సుడిగుండాలు గింగుర్లెత్తుతున్నాయి
నిర్జలమైన దేహం శుష్కించి
చివరి అంచులకు చేరుకుంటోంది
వన దేవత నీగ్రో సుందరి రూపం దాలుస్తుంది
అయినా ఆయన క్రీస్తంత దయాళువు
నాపై హిమాలయాలంత ఆప్యాతలు పంచుతూ
నా వసంత కాలం కోసం
ఆయన గ్రీష్మాన్ని నిరంతరం
శాలువలా వొళ్ళంతా ధరిస్తూనే వున్నాడు